السبت، 27 أغسطس، 2016

اسعد حبيب - احمد بكر

الأحد، 17 يناير، 2016

رواية يغوث

تأخذنا الرواية لعالم السحر والسحرة، بمعتقداته ودياناته وطقوسه، وكيف أوشك أن يحكم مقدرات العالم، أو ربما فعل، أو لعله سيفعل، بأحداث لا اعلم مدى تأثير وجودها فى مخزون ذاكرتك ... الاختيار لك Ahmed Bakr

الثلاثاء، 7 أبريل، 2015

رواية ذات مساء

"فى العادة تظهر المسوخ فى البيئات الغربية ولكن هل يمكن ان تتخيل ان الخطر و الرعب قد يكون فى الجوار ياخذنا الكاتب فى دراما مأساوية الى احد الاحياء المصرية فى تسعينات القرن الماضى حيث تعيش اسرة بسيطة من ارملة شابة و ابنها المعاق فى مواجهة احد اهم تيمات الرعب فى الادب العالمى بأسلوب سرد ربما يكون الاول من نوعه بحيث يجعل الرواية - رغم انها من ادب الرعب - من الصعب وصفها بالخيالية لولا ان الكاتب يخبر انها كذلك فى تنبيه غير مفهوم المغزى فى بدايتها"

الأحد، 29 يناير، 2012

ايه يعنى اخالفك


ايه يعنى اخالفك فى الاراء او حتى مش مستوعبك
ده لاشئ يعيبك او يعيبنى لاخسرك ولا كسبك
الاختلاف طبع البشر لو عالبشر راح احسبك
و مادام مفيش مالناس ملاك ليه اختلافى بيتعبك
و الاعتزاز بالرأى مش محتاج ضميرك يأنبك

الاثنين، 7 فبراير، 2011

شب مصرى

شب مصرى شب كان بالموتى ناس بيشبهوه
شب قالوا هيمشى جنب الحيط و راضى زى ابوه
شب ضاع من ايده امله فى اى حاجه شب كانوا مربينه على السذاجة
فى كل حته للتفاهة يعلموه
و هما رشوة و سرقة علنى مين يخافوا و ايه يداروه
عزبة مالهاش اى صاحب قط مفتاح الكرار بيسلموه
ياما زيفوا فى الحقايق و المفاجاة الشب فايق دول بكل ما يقدروا بيغيبوه
فجأة تطلع ثورة منه ثورة خلت كل حاجة فى النظام تحتار تتوه
ثورة لازم يقمعهوها باى شكل اى حاجه ان شاله ياكلوا الشعب اكل
و يقتلوا الشب الى يهتف و يدسوه
ثورة كانت بتناديهم سلمى سلمى بطلب الحرية مضيعش حلمى
مش حرام الاخ يسفك دم اخوه
ثورة صحت ناس كتير فى الضلمة نامت الفساد هرب اما حس قيامته قامت
بس قبلا وطنا لازم يحرقوه
يوم يحاوروا و يوم تخرب كل حتة يوم يناوروا و يوم يسيبوا البلطجية
يوم خطاب بعديه جمال و خيول كارٍتة يوم تنازل و المفاسد هيه هيه
حاجة باينه زى شمس يا ناس يا هوه
كانوا ياما ممشينه بالنظام كلمة الحرية دية شئ حرام
لو تقول حرية تبقى امريكانى لو تقول يا رب اخوان او ايرانى
لو سكت فى إسرائيل ناس دربوه
بس هتقول ايه لحكمة ربنا و اللى ينهب من هنا او من هنا
اخرة حفرة متر مترين يدفنوه
و ادعى ربى للشباب بعد ما نفضوا التراب ترجع الدحكاية تانى على الوجوه
احمد بكر

الأربعاء، 16 سبتمبر، 2009

هى فى افكارى

>جلست ارتب افكارى لاروى جمالك بالتفصيل
و انا على علم مهما بلغت فوصفى سوف يكون قليل
شعر كاليل بغير نجوم كشلال من قمر يسيل
و الحاجب كهلال اسمر فوق عيون بصفاء النيل
لو غاب القمر فلى اثنان بالعين عن القمر بديل
و الرمش القاتل فوقهما رقاص كضى القناديل
و الانف بمنتصف الوجه درة تتوسط اكليل
حمرة خديها و شفتيها كالجمر على الخجل دليل
اسنان كاصداف بيضاء مع ضحك الفم ترقص و تميل
بسمتها تذبذب اوصالى تسلب عقلى تردينى قتيل
و الكف كاوراق الورد لاكن بمصافحتى بخيل
خطوتها تقبلها الارض افلا اشتاق إلى التقبيل
بالله فهل وجدت مثلك من قبل و فى هذا الجيل
بالله و لن توجد مثلك يا حبيبة من دون مثيل
ما وصفى لكى نعم الوصف ما خلق لوصفك اقاويل
لى عندك امر يؤرقنى كلمات لا تقبل تاجيل
من لحظة اشرقتى بعمرى ما عاد سواكِ بعمرى جميل

الثلاثاء، 28 أبريل، 2009

لو لم اراك (اهداء من هدير لأحمد)

لو لم أراك لبقيت اشتهى الضحكات وأوارى الدمع و العبرات و فقدت الشمس من دنياى و ضاع القمر و النجمات لو لم أراك لمر الصبح غير مضاء وأحتل مسائى كل سماء فمنذ أكثر من عقدين، اتيت كطفلة تشبه دمية شقراء و دنياى تقذف بى للوراء فلم تبقى سوية لولساعات ، فصرت لا أبالى كثرة الأهات، وكان حلمى ان يأتى يوما ولاتتغير الأحوال، فجئت حبيبى، كفارس يركب حصانا، له جناحات وكان بيدك طوق النجاة، وبيدك الأخرى مفتاح الحياة فكنت كحلم جميع الفتيات وحين رأيتك لم أستطع سوى الحلم وبعض الخيالات، فكونك معى من المستحيلات فلست سندريلا وليس معى مثل ذاك الحذاء، ولا اتوقع مجئ احدى الجنيات وحين طرقت بابى، كلمة أحبك أحيت فؤادى و قد كان مات وردى حبيبى صرخة لابتداء،مزقت شهادة ميلادى القديمة، وكتبت أخرى، تحمل أسمك ويالأروع الكلمات فحبيبى أنت وأبى وأمى، ومن يحمل لى سر الابتسامات (هدير زين)

الأربعاء، 21 يناير، 2009

هل تسمحى




يا من سكنت فى أعالى قلبى و جلست بعرش بين جوانحى




ايها القمر فى ليلة تمامه لو اخفى هواك فوجهى فاضحى




بالله عليك استجيبى لفؤادى و لا تخجلى ولا تستحى




يا زهرة الريبع و قطرة ندى طرقت بابك الا تفتحى




ويا جنة الحسن و قبلة فؤادى طلبت هواك فهل تسمحى




Baker


الاثنين، 17 نوفمبر، 2008

سيدة كل العصور

لتحمد جوليت ربها لانك لم تكونى بعصرها و الا احبك روميو و تركها لتحمد فينوس ربها لانك لم تكونى بعصرها و الا لكنتِ اخذتِ مكانها لتحمد عبلة ربها لانك لم تكونى بعصرها والا لكانت الالف ناقة لكِ لا لها لتحمد ليلة ربها لانك لم تكونى بعصرها و الا كان قيس مجنونكِ لا مجنونها اما حور السماء حبيبتى فكان الله فى عونها

الأربعاء، 24 سبتمبر، 2008

بالنسبة لكِ




الشمس بالنسبة لقرص عينيكِ ظلمة حالكة

.


الورد بالنسبة لنعومة وجهكِ سلوك شائكة

.


ألستِ تحملين شهادة تقول

.


تعامل معاملة ملائكة

Baker

الثلاثاء، 19 أغسطس، 2008

عيد ميلاد سعيد

عام جديد يمر عليكِ

يا لؤلؤتى ربما هذا العام من محارتكِ ستخرجين

يا نجمتى ربما هذا العام لمداركِ ستتسلمين

يا عصفورتى ربما هذا العام للزقزقة ستتقنين

يا زهرتى ربما هذا العام تغيرى عطر الوجنتين

يا اميرتى ربما هذا العام تستصلحين جزيرة اخرى من جزر قلبى تزرعينها ياسمين

يا ملاكى ربما ينمو لكِ هذا العام جناحين

يا جميلتى

ارئيتِ بعد احد عشر كوكبا و الشمس و القمر لكِ ساجدين

Baker

الجمعة، 25 يوليو، 2008

سلى الليل



سلى اليل ريحانة قلبى ان كنتِ بحبى لا تعلمى

يخبرك من طالما ناجيت عن حبكِ الذى يجرى بدمى

و سيقول لكِ فالتستجيبى لنداء قلبى و لن تندمى

زلزلتى كيانى و كل وجدانى و انتى صامتة لا تتكلمى

ووجدت بكِ كل ما حلمت و قلبك صار دنياى و عالمى

بالله كيف تحيين بين البشر و انتِ لملائكة السماء تنتمى

و كيف تظلين بعيدة عنى و قد اصبحتى حواء لأدمى

فرحماكِ بقلبى يا مالكة قلبى و نحوه و نحوى هيا تقدمى

الجمعة، 11 يوليو، 2008

تاجى

اخيرا جالى تاج و زى ممتوقع جالى من الصديقة الغاليه كيكى و هجاوب على طول لانه تاج كبير
اذكر 16 صفه عن نفسك
يا نهار ابيض كتير موووت بس هحاول
1- طمووح جدا يعنى مش بحلم ابقى اهم اديب فى مصر ولا فى الوطن العربى ولا فى العالم تخيلوا بحلم ابقى اهم كاتب فى التاريخ و مش بحلم انى ابقى مدير فى شغلى او ابقى صاحب شركة ولا وزير ولا حتى رئيس جمهورية تخيلوا بحلم ابقى رئيس مملكة اتحادية بتضم العالم كله و اقدر اخلى العالم كله يعيش فى سعادة و يدخلوا الجنه كلهم طماع اوى فى احلامى بس مش على حساب حد حتى مألف حكمه بتقول الطمع الذى ليس على حساب احد فضيله بحلم و هفضل احلم و مش هبطل احلم
2- متسامح جدا يعنى مفيش اسائة او زنب مبعرفش اسامح فيه يمكن مبروحش للى زعلنى لكن لو جالى بسامح مهما كان بس لو غلطان بعتزر على طول بحب الناس و بخاف عليهم و الوحش فيهم مش بكرهه بالعكس بيصعب عليا اوى و اتمنى ربنا يهديه بس الى بحس انه مش كويس ببعد عنه منغير عتاب و منغير محسسه
3- متفائل جدا يعنى مهما حصل فى الدنيا عارف ان اليوم الجميل اكيد هييجى
4 – بحاول ابقى منظم و بقسم كل امور حياتى فى جداول و كشكول و بحاسب نفسى عليها فى عشر بنود كل يوم و كل شهر و كل سنه
5- يعنى .. رومانسى بحب الحب و كنت عايش قصه حب جميله بس ربنا موفقش بس برضه بحب و مستعد احب لاخر نقطة فى دمى
6- قنوع و ده ميتعارضش مع الطموح يعنى بحلم على قد ما اقدر بس الى ربنا بيدهولى بحبه و بفرح بيه و بشكر ربنا عليه و مبعدش اشكى و اعلق المشاكل على الظروف
7- ملتزم و مدام اتحملت مسؤليه مقدرش اتهاون فيها و مدام وعدت يبقى بروحى اوفى بوعدى
8- بحس بالناس اوى مهما كانوا مختلفين بقدر ادخل جوه الانسان و بحس بالى بيحس بيه و ده الى خلانى اتجه للادب و اكتب روايات و من كتر اتصالى بالناس معنويا ممكن الى يتالم قدامى احس بالوجع الى حس بيه كانه حصلى
9- بفرح بالتشجيع اوى و كلمه حلوه تعيشنى سنه مبسوط
10 - كفايه9 لصالحى و اخلى الباقى عيوب مع ان صعب حد يشوف عيوبه بس اهم عيب فيا انى مش اجتماعى يعنى مبحبش امارس نشاط اجتماعى كان كلام على الفاضى او زيارات و خروجات ملهاش لازمه و عندى جانب من الخصوصيه مبحبش حد يتدخل فيه و اجمل وقت بقضيه مع نفسى
11 – عصبى احيانا بس بادب و بحاول امسك نفسى على حساب اعصابى
12- مسرف اوى و مدام معايا تمن الحاجه بشتريها مع انى بقدر اتحكم فى نفسى بس فى لحظه ممكن اضيع كل حاجه مدام خدت قرار شراء
13- (16 كتير يا كيكى ربنا يسامحك) مش فاكر صراحه طيب فى حد شايف حاجه ممكن يقولى يعنى ممكن الباقيين دول لو حد شايف فيا حاجه يكتبها فى التعليقات و بعدين المفروض التجات دى الناس هيا الى تقول الصفات عن صاحب التاج محدش ينفع يتكلم عن نفسه

الأحد، 22 يونيو، 2008

لو كنت

حبيبتى

لو كنت بحراً لما احتجت للرياح لاكون مضطربا دائما لاجلكِ

لو كنت قلباً لاستبدلت دقاتى باحرف اسمكِ

لو كنت بستاناً لما طرحت من الزهور الا من نوعكِ

لو كنت شمسا لابيت الغروب على الا اشاهد وجهكِ

لو كنت السماء لرفضت النجوم و القمر و طلبتكِ

لو كنتِ تفاحة لما احتجت ابليس لاخرج من الجنة بسببكِ

الأربعاء، 18 يونيو، 2008

لم ترقًى

و فعلت كل ما بوسعي ....فلم تليني و لم ترقى

يبدوا انني عندما احببتك قد اخطأت فى حقي

و انك للمكانة التي كنت ساهبك اياها لا تستحقي

الخميس، 12 يونيو، 2008

مبروك لنجاحك (اهداء لكيكى)



مبروك لنجاحك مع انى معرفش ازاى بس نجحتى
دنا متهيقلى انك حتى لو جبتى مواد كنتى فرحتى
رغم انك مليانه سذاجة معرفش ازاى نجحوكى
مه يا مصحح فى عنيه حاجه او صاحب والدك او اخوكى
معلش الحظ اما يواتى بيخلى من الاعمى سعاتى
الى يشوفك يفتكر انك على كتبك صاحيه و بتباتى
راح اقولك و بكل امانه انتى كبيرك تانيه حضانه
و دماغك مالمنهج فاضيه لكن بالتفهات مليانه
ياما لعبتى و ياما هرجتى ولا كان المنهج على بالك
و اديكى خلاص اتخرجتى معلش الله يسهلهالك
معلش بلاش تزعلى منى علشان بتكلم بصراحتى
مبروك لنجاحك مع انى معرفش ازاى بس نجحتى
baker



الأربعاء، 4 يونيو، 2008

من اجل خاطرى



لو انني اعرف لماذا لا أرى سواكِ اينما توجهت بناظري

يا امرأة تتسلل لا ادرى كيف إلى جميع دفاتري

تحكم و تملك كل خواطري

تختل عند رؤيتها جميع ظواهري

تضفى فى كل لقاء مشاعراً اخرى فوق مشاعري

يا من على كل كياني تستحوزى و تثتأثرى

من اجل خاطري

هلا سمحتي لي ان اقبل شفتيكِ ثم استغفر و تستغفري

BAKER

الخميس، 22 مايو، 2008

ازاى بتعرف



ازاى بتعرف تسيب اثر من نظرة واحدة مالوش حدود


ازاى بتعرف تمتلك كــــل القـلوب منغـــــــير مـجهـود


ازاى شاغلنى و انتا غــــايب حتى و كــــــأنك موجود


ليه لمــــا اشوفك ببقى تايه و انسى نفسى من الشرود


و لــكـل نظرة بعيش لــيالى ابنى فى امانى ووعـــــود


و بلمسة بترجعلى عمرى كانى لسة يا دوب مـــــولود


ازاى عينيك نـهر الى يـشرب مـنه مــرة لازم يـــعود


ازاى شـفـايـفـك زى حــباية العــنب اخــــر العـنقــود


ازاى بـتــطرح بـابتسامتك ورد احـمر عــ الـــــخدود


ازاى فى صوتك لما تهمس لحن ناى و جيتار و عود


ازاى بشوف دنيا بنجومها و سماها فى عنيك السود


ازاى شــفـايـــفـــك لــــما بتكلمـنــــى بـتـنـقــط ورود


ازاى بــتسلم لـمـا بتبان بالجــمال ده من الحــســــود


ازى بقيت مبعوزش غير انى ابقى جنبك من الوجود


Baker


amb.a@hotmail.com

الأحد، 20 أبريل، 2008

تلميذة

من اغلى منكِ او على عزيزة


يا من هواها فى الفؤاد غريزة


شيم الجمال عدا الحنان لديكِ


فلما ابـيـتِ حـمـل تلك الميزة


مـع انكِ فــى الرقــــة استاذة


لكنك فى العطف على تلميذة


BAKER




الاثنين، 14 أبريل، 2008

لو قلتى احبك

حبيبتي

تعرفين لو قلتي لي احبك

ستمتد يدى لتصل لابعد النجمات لو كنتِ باحد النجمات ترغبي

لو قلتي احبك

ستتفجر بين يدى انهار لو شئت ان تشربي

لو قلتي احبك

ستجدين بين جوانحي جنة لو شئت من الدنيا ان تهربي

لو قلتي احبك

ساهجر هذا الكوكب و اجعل من عينكِ كوكبي

لو قلتي احبك

سأحطم هذه الارض لو ان بها شئ جعلكِ تغضبي

لو قلتي احبك

سافترش لكِ سجادة من اهدابي اينما شئت ان تذهبي

لو قلتي احبك هذا اقل ما سيحدث و لو شئت جربي

BAKER

السبت، 5 أبريل، 2008

صباح الحب



حبيبتى ها هو صباح يوم جديد


هيا ابتسمى


الان عاد قلبى يخفق و الدماء به تجرى


هيا ابتسمى


الان عادت تنمو جوارحى و لسانى و سمعى و بصرى


هيا ابتسمى


الان صار بامكانى ان احرك اطرافى و احرك رقبتى و خصرى


هيا ابتسمى


الان لدى انفاس احرقها فى صدرى


هيا ابتسمى


الان يذوب حبك فى دمى و عقلى و قلبى و فكرى


هيا ابتسمى


الان لدى ما يكفى من حياة لاكمل يوم اخر من عمرى
BAKER